Понедельник, 21 декабря 2020 11:47

«Яҙыусының ихлас һүҙе» тип аталған әҙәби осрашыу

Автор  Телямбитова З., библиотекарь филиала № 9
Оцените материал
(0 голосов)

Белорет лицей-интернатының 6 "А" синыф уҡыусылары өсөн, күренекле яҙыусы Р. Солтангәрәевтың тыуыуына - 85 йыл тулыуға арналған "Яҙыусының ихлас һүҙе" тип аталған әҙәби осрашыу булып үтте. «Әҙип ижады төрлө яҡлы һәм тематика йәһәтенән дә бик бай. Ул - әҙәбиәттең бөтә жанрҙарында ла (шиғриәттән башҡа) берҙәй уңышлы эшләй алған һирәктәрҙең береһе. Р.Солтангәрәев роман, күп һанлы повестар, хикәйәләр, бер нисә пьеса яҙған»,- тип башлап ебәрҙек сарабыҙҙы. Уҡыусылар яҙыусының тормошо һәм ижады менән таныштылар, әҫәрҙәренең тормошсан булыуын, һәр бер хикәйәһендәге хәл - ваҡиғаларҙың тормоштан алыныуын белеп үттеләр.

Бөйөк Ватан һуғышы осорон һүрәтләгән "Аҡ тирәктәр" исемле хикәйәһенең ҡыҫҡаса йөкмәткеһе менән танышҡандан һуң, Ғилманова Элина хикәйәнән өҙөк уҡып ишеттерҙе. Һүҙ был хикәйәнең төп геройы Ҡотлоғужа ҡарттың яу яланында ятып ҡалған өс улының яҡты иҫтәлегенә, "Хафиз" быуаһы эргәһендә тирәктәр ултыртыуы хаҡында бара. Уҡыусылар бик ихлас тыңлап, фекер алышҡандан һуң, яҙыусының ижадына арналған викторина һорауҙарына яуап бирҙеләр. Ябай хеҙмәт кешеләренең эске доньяһын, тыуған төйәгеңә һөйөү, тоғролоҡ темаларын һүрәтләгән әҫәрҙәренең береһе "Тыуған яҡҡа ҡайтыу" китабына, повестарына, хикәйәләренә, драма әҫәрҙәренә байҡау яһалды. Уҡыусылар "Тыуған яҡҡа ҡайтыу" китабы менән тулыһынса танышырға теләк белдерҙеләр, шул айҡанлы буш ваҡыттарында класс менән уҡыһындар өсөн китап тәрбиәселәре Әлфиә Барый ҡыҙына тапшырылды.

Статья вКонтакте

Дополнительная информация

Прочитано 99 раз
Авторизуйтесь, чтобы получить возможность оставлять комментарии